सुर्खेत । कर्णाली प्रदेशमा थप १६ जनामा कोरोना संक्रमण पुष्टि भएको छ ।
सामाजिक विकास मन्त्रालय कर्णाली प्रदेशको स्वास्थ्य सेवा महाशाखाका अनुसार कर्णाली प्रदेशमा आज थप १६ जनामा कोरोना संक्रमण पुष्टि भएको हो ।
महाशाखाका प्रमुख लक्ष्मीनारायण तिवारीका अनुसार प्रदेश अस्पताल सुर्खेत तथा पशुपन्छि रोग अन्वेशण प्रयोगशालामा गरिएको परीक्षणमा ३ जना र कर्णाली स्वास्थ्य विज्ञान प्रतिष्ठान जुम्लामा १३ जनामा कोरोना संक्रमण पुष्टि भएको हो । उनीहरु सल्यान, दैलेख र कालिकोटका हुन् ।
