एजेन्सी । अमेरिकी राष्ट्रपति डोनल्ड ट्रम्पले चीनसँगका सबै सम्बन्ध तोड्ने चेतावनी दिएका छन् ।
चीनसँगका सबै सम्बन्ध तोड्दा अमेरिकालाई धेरै फाइदा हुने जिकिर उनको छ । एक अन्तर्वातामा ट्रम्पले आर्थिक रुपमा मात्र अमेरिकालाई चीनसँगको सम्बन्ध तोड्दा पाँच खर्ब डलर बचत हुने तर्क गरे । पछिल्लो केही वर्षयता अमेरिकाले चीनसँगको व्यापारमा ठूलो घाटा व्यहोर्दै आएको छ ।
ट्रम्पले अहिले कोरोना भाइरस (कोभिड–१९) चीनको एक प्रयोगशालाबाट फैलिएको बताउँदै आएका छन् भने अहिले सुरुआती चरणले चीनले कोरोनाबारे बास्तविक सूचना लुकाएका कारण महामारी विश्वव्यापी भएको आरोप लगाउँदै आएका छन् । केही दिनदेखि उनले लगातार कोरोनाका कारण भएको क्षतिको चीनले क्षतिपूर्ति भर्नुपर्ने बताउँदै आएका थिए ।
