काठमाडौं । त्रिभुवन अन्तर्राष्ट्रिय विमानस्थलमा बिहीबार मात्रै पनि १३ वटा अन्तर्राष्ट्रिय उडान हुँदैछन् । मंगलबार र बुधबार पनि १४/१४ वटा अन्तर्राष्ट्रिय चार्टर उडान भएका थिए ।
बिहीबार नेपाल एयरलाइन्सको ४ वटा उडान हुँदैछ भने हिमालय एयरलाइन्सको ३ वटा उडान हुँदैछ । यस्तै श्री एयरलाइन्स, कतार एयरवेज र एयर अरेवियाको पनि २/२ उडान रहेको त्रिभुवन अन्तर्राष्ट्रिय विमानस्थल कार्यालयले जनाएको छ ।
आज नेपालबाट नेपाल एयरलाइन्सको बहराइनमा दुईवटा उडान हुँदैछ । कतारले दोहा, एयर अरेवियाले सारजह, हिमालय एयरलाइन्सले क्वालालम्पुर प्रस्थान उठान गर्नेछ ।
यसैगरी अवुधावी र दोहाबाट हिमालय एयरलाइन्स, कुबेत र नारिताबाट नेपाल एयरलाइन्स, दोहाबाट कतार र सारजहबाट एयर अरेविया तथा चीनको याङ्यनबाट श्री एयरलाइन्स काठमाडौं अवतरण गर्ने समयतालिका रहेको विमानस्थल कार्यालयले जनाएको छ ।
