नेपालमा पछिल्लो २४ घण्टामा ५८६ जना कोरोना संक्रमित भेटिएका छन् । यससँगै कुल सङ्क्रमितकाे सङ्ख्या ७१७७ पुगेको छ।नेपालमा एकैदिन देखिएको संक्रमितहरूको सङ्ख्यामध्ये अहिलेसम्मकै धेरै हाे।
स्वास्थ्य तथा जनसङ्ख्या मन्त्रालयका अनुसार धरानमा भएको परीक्षणमा ५ जना, विराटनगरमा भएको परीक्षणमा ११ जना, जनकपुरमा भएको परीक्षणमा २७ जना, वीरगञ्जमा भएको परीक्षणमा ६ जना, टेकुमा भएको परीक्षणमा २६५ जना, भरतपुर अस्पतालमा भएको परीक्षणमा ३ जना, धुलिखेल अस्पतालमा ९९ जना, शिक्षण अस्पतालमा भएको परीक्षणमा १ जना, पोखरामा भएको परीक्षणमा २० जना, रुपन्देहीमा भएको परीक्षणमा ५९ जनाको रिपोर्ट पोजेटिभ आएको हो।
त्यसैगरी भेरी अस्पतालमा भएको परीक्षणमा ३२ जना, दाङमा भएको परीक्षणमा ३३ जना र सुर्खेतमा भएको परीक्षणमा ४ जना, जुम्लामा भएको परीक्षणमा १४ जना र कैलालीमा भएको परीक्षणमा ७ जनाको कोरोना पोजेटिभ देखिएको हो।
