प्रहरी जवान प्रहरी कार्यालयभित्रै मृत भेटिए

कैलाली । कैलालीमा इलाका प्रहरी कार्यालयमा कार्यरत प्रहरी जवान प्रहरी कार्यालयभित्रै मृत फेला परेका छन्। अछामका २९ वर्षीय लोकेन्द्र बोहोराको शव बुधबार बिहान ३ बजे प्रहरी कार्यालयभित्रै मृत फेला परेको हो ।

जिल्ला प्रहरी कार्यालय कैलालीका प्रवक्ता प्रहरी नायब उपरीक्षक दक्ष बस्नेतले उक्त घटनाको अनुसन्धान भइरहेको जानकारी दिए ।

इलाका प्रहरी कार्यालय सुखडमा दरबन्दी भएका बोहरा बिगत ५ महिना देखि खिमडीमा खटिएका थिए ।