बलिउड अभिनेता ऋषि कपुरको निधन भएको छ । अभिनेता कपुरको ६७ वर्षको उमेरमा निधन भएको हो ऋषि कपुरको स्वास्थ्य बिग्रिएका कारण उनलाई मुम्बईको एचएन रिलायन्स फाउन्डेशन अस्पतालमा भर्ना गरिएको थियो ।
अमेरिकामा लगभग एक वर्ष सम्म क्यान्सरको उपचार गराए पछि ऋषि कपुर गत सेप्टेम्बरमा भारत फर्किएका थिए । यस वर्ष फेब्रुअरीमा पनि स्वास्थ्य बिग्रिएपछि उनलाई दुई पटक अस्पताल भर्ना गर्नु परेको थियो ।
उनको क्यान्सरको उपचारको चलिरहेको थियो । बुधबार मात्रै बलिउड फिल्मी जगतका अर्का एक हस्ती इरफान खानको क्यान्सरकै कारण निधन भएको थियो ।
