काठमाडौँ । रुपन्देहीको भैरहवास्थित भीम अस्पतालमा उपचारत २५ जना कोरोना संक्रमित निको भएर घर फर्केका छन्।
भीम अस्पतालका अनुसार, निको हुनेहरु मध्ये गैंडहवा गाउँपालिकाका १० जना, लुम्विनी सांस्कृतिक नगरपालिकाका ४ जना, कपिलवस्तुका पाँच जना, नवलपरासीका तीन जना, रुपन्देहीको कोटहीमाई गाउँपालिकाका एक जना, एक जना भारतीय नागरिक र सिद्धार्थ नगरपालिकाका एक जना छन्।
३० वैशाखमा कोरोना पोजेटिभ रिपाेर्ट आएपछि उनीहरुलाई उपचारका लागि अस्पताल भर्ना गरिएको थियो।
डिस्चार्ज भएपछि उनीहरुले अस्पताल परिसरमा नाचगान समेत गरेका थिए।
