काठमाडौ । स्वदेश फर्किन पाउनुपर्ने मागसहित सिंहदरबार अगाडि प्रदर्शन गर्न पुगेका चिनियाँ नागरिक र प्रहरीबीच झडप भएको छ ।
झडपमा परी नेपाल प्रहरीका प्रहरी नायव उपरीक्षक (डीएसपी) हरि बस्नेत घाइते भएका छन् ।
उनको टाउकोमा चोट लागेको महानगरीय प्रहरी परिसर काठमाडौंका प्रमुख एसएसपी श्याम ज्ञवालीले जानकारी दिए ।
लकडाउन र हवाई उडान बन्द भएपछि नेपालमा रोकिएका चिनियाँ नागरिकहरू प्रदर्शनका लागि सिंहदरबारको पश्चिम गेट भद्रकालीमा पुगेका थिए ।
उनीहरूले निषेधित क्षेत्र तोडेपछि प्रहरीले हस्तक्षेप गरेको थियो । सिंहदरबार आसपासमा धर्ना तथा विरोध प्रदर्शन गर्न निषेध छ ।
त्यसक्रममा ३८ जनालाई पक्राउ गरी नगर प्रहरीको कार्यालयमा राखिएको छ ।
एकदुई जना गर्दै त्यति ठूलो संख्यामा चिनियाँ नागरिक सिंहदरवारअगाडि पुगेको प्रहरीले जनाएको छ ।
