कोरोना जोखिममा नेपालगञ्ज,स्वाब संकलन र परीक्षण कार्य तीव्र

नेपालगञ्ज । तीन दिनदेखि नेपालगञ्ज उपमहानगरलाई निषेधित क्षेत्र घोषणा गरेर पूर्ण रूपमा सिलबन्दी गरिएको छ । यो अवधिमा सहरका सडकमा एम्बुलेन्स, सुरक्षाकर्मी र स्वास्थ्यकर्मीका सवारी साधन मात्र गुडिरहेका देखिन्छन् । नगरका अधिकांश क्षेत्र सुनसान छन् ।  

यहाँ २३ जनामा कोभिड–१९ संक्रमित भेटिएपछि केही दिन अघिसम्म लकडाउन उल्लंघन गर्ने व्यक्ति अहिले डरले घरबाहिर निस्केका छैनन् । भारतबाट आउने तरकारीको आयात पूूर्ण रूपमा रोकिएको छ भने स्थानीय थोक तरकारी मण्डी पनि अनिश्चित कालका लागि बन्द गरिएको छ । निषेधित क्षेत्रमा कसैलाई घरबाट बाहिर निस्कन नदिइए पनि औषधि र अन्य आपत्कालीन सेवाका लागि भने सीमित संख्यामा स्थानीयवासीलाई आउजाउ गर्न दिइएको जिल्ला प्रशासन कार्यालय बाँकेले जनाएको छ ।


नगरमा निषेधित क्षेत्र घोषणा लगत्तै जिल्ला स्वास्थ्य कार्यालय बाँकेको नेतृत्वमा स्वास्थ्यकर्मीको टोलीले बढीभन्दा बढी स्थांक्रमित फेलापरेको क्षेत्र र सो वरिपरि क्षेत्रका बासिन्दाको पहिचान गरेर स्वाब संकलन र परीक्षण कार्य तीव्र गतिमा भइरहेको जिल्ला स्वास्थ्य कार्यालय बाँकेका फोकल पर्सन नरेशमान श्रेष्ठले बताए । उनका अनुसार गएको तीन दिनमा पहिलो संक्रमित र उनको सम्पर्कबाट संक्रमित बनेका करिब तीन सय जनाको खोजी गरेर स्वाब संकलन गरिएको छ । पहिलो दिन संकलन गरिएका ५४ जनाको स्वाब परीक्षणमा सबैको रिपोर्ट नेगेटिभ आएको जनाउँदै श्रेष्ठले दोस्रो तथा तेस्रो दिन संकलन गरिएका स्वाबको परीक्षण भइरहेको बताए ।

नगरका विपन्न र मजदुरले निषेधित क्षेत्र घोषणा गरेर महामारी फैलिन नदिने प्रशासनको कदमको समर्थन गरेका छन् । यद्यपि, दुई छाक टार्न समस्या भएको गुनासो उनीहरूको छ । बन्दाबन्दीका वेला पनि केही घण्टा छुट हुने हुँदा सो समयमा तरकारी बेचेर जीविका चलाइरहेका नेपालगञ्ज–११ का रहिस कबडियाले तीन दिनदेखि घरमै बस्नुपर्दा छाक टार्न समस्या भएको गुनासो गरे ।

यो गुनासो कबडियाको मात्र होइन, नगरका अधिकांश गरिब, विपन्न र मजदुरको साझा गुनासो हो । नेपालगञ्ज–२ का राजेश बाल्मीकिले उपमहानगरपालिकाले एक महिनाअघि बाँडेको खाद्यान्न सकिएको साता पुग्न लाग्यो, बन्दले बाहिर निस्कन पाइँदैन, कसरी बालबालिका पाल्ने ? भन्दै प्रश्न गरे । परसपुरबाट दैनिक १० किलो दूध ल्याएर बजारमा बिक्री गरी घर खर्च चलाउँदै आएका परसपुरका जयराम यादवले तीन दिनदेखि दूध बिक्री नहुँदा घर खर्च चलाउन समस्या हुन थालेको बताए । उता स्थानीय प्रशासनले भने महामारी फैलिन नदिन नगरलाई निषेधित क्षेत्र घोषणा गरेर सिल गर्न बाध्य भएको जनाएको छ ।


एउटै टोलमा २२÷२३ जना संक्रमित भेटिएपछि संक्रमण थप फैलिन नदिन तथा संक्रमितको सम्पर्कमा रहेका व्यक्तिको खोजी गरेर परीक्षण अभियान सहज बनाउन नगरलाई सिल गरिएको बाँकेका सहायक प्रमुख जिल्ला अधिकारी हरि प्याकुरेलले जानकारी दिए । उनले अहिलेको अवस्थामा महामारी फैलिन नदिने कार्य सबैभन्दा प्राथमिकतामा छ, त्यसैले केही कडा कदम चाल्नुपर्ने अवस्था आएको स्पष्ट पारे । नगरलाई निषेधित क्षेत्र घोषणा गरेपछि संक्रमितको कन्ट्याक्ट टे«सिङ र स्वाब परीक्षण प्रभावकारी बनाउन सहज भएको चिकित्सकले जनाएका छन् । भेरी अस्पतालका प्रमुख डा. प्रकाश थापाले निषेधित क्षेत्र घोषणापछि सबै धर्मका धार्मिक अगुुवाको सहयोगमा स्वाब संकलन सहज बन्दै गएको बताए ।

नेपालगञ्जमा एकैपटक धेरै संख्यामा संक्रमित भेटिएपछि नगरभरि नै बढीभन्दा बढीको परीक्षण गर्नुपर्ने जनदबाब बढ्दै गएको छ । एक÷दुई दिनमै काठमाडौंबाट परीक्षण किट आइपुग्ने भएकाले त्यसपछि सबै वडामा परीक्षण सुरु गर्ने नेपालगञ्ज उपमहानगरका उपप्रमुुख उमा थापामगरले बताइन् । २३ वैशाख बिहान ११ बजेदेखि २५ वैशाख मध्यरातीसम्म नेपालगञ्जलाई निषेधित क्षेत्र घोषणा गरिएको थियो । स्थानीय प्रशासनले त्यो आदेशलाई यथावत राखी अत्यावश्यक सेवा सञ्चालन र दैनिक उपभोग्य वस्तु बिक्री वितरणका लागि केही खुकुलो बनाउने निर्णय गरेको छ ।सौर्य दैनिकबाट


Insurance means to cover the financial risk that looms over future uncertainty. Taking this concept of monetary risk in mind, many companies provide the security services to the public. The company that provides this service is known as the insurer and the one who takes the benefit of these services is known as the insured. The process of getting insurance starts by signing a contract with agreements carefully considered by both the parties. Once the contract is signed between the insurer and the insured, premium needs to be paid on a regular timely basis. As per the contract, if any loss is incurred, then the company is obliged to cover the loss.

Various types of insurance services are provided by insurance company around the world. Health insurance covers all the risk related to one’s physical and mental health. Auto Insurance protects any loss incurred due to accidents involving a vehicle. Life insurance looks at overall risks and financial loss that may occur and if some casualties occur, then the insurance amount is given to the family of the insured. Property insurance is the insurance of any property from fire, theft and weather damage. Majorly there are two types of insurance companies. One deals with life insurance services while the second one deals with the non-life services or property insurance services.

Comments
Advertisment : 9803602855
Please contact : 014212403, 9843220732
Email: nponlinetv@gmail.com
Address: Bagbazar, Kathmandu
About Us:-
Founder/ CEO : Nabin Rai
Chief Editor : Nilesh Adhikari (9851002729)
Senior Editor: Binit Raj Aryal
Editor: Ram Raja KC
Reporter: Kabita Karki
Chief of Marketing : Deepak Sherpa
Program Coordinator : Prabin Kiratee
सुचना बिभाग दर्ता नं. ५३५ / ०७४–७५