१५ वर्षीय बालिका र २० वर्षीय युवतीलाई नंखेलको जंगलमा लगेर जबरजस्ती करणी गरेको आरोपमा भक्तपुरबाट दुई जना पक्राउ परेका छन् । प्रहरीले मुगु घर भई हाल पलाँसे बस्ने २१ वर्षीय भक्त नेपाली र हुम्ला घर भई हाल सुर्यविनायक बस्ने १९ वर्षीय गगन परियारलाई पक्राउ गरेको जिल्ला प्रहरी परिसरका प्रवक्ता डिएसपी राजु पाण्डेले जानकारी दिए । उनीहरुले एकै समय बुधबार साँझ सुर्यविनायक नगरपालिका-९ नंखेलस्थित लाकुरी भन्ज्याङ बन्देश्वरी जंगलमा जबरजस्ती करणी गरेको प्रहरीको भनाइ छ ।
नेपाली र परियारलाई नियन्त्रणमा लिएर घटनाबारे थप अनुसन्धान भइरहेको प्रहरीले जनाएको छ ।
