निमा पोङ्स्युवा
धरान । आगामी मंसिर ४ गते हुनगइरहेको प्रतिनिधिसभा र प्रदेश सभा निर्वाचनका लागि सुनसरी १ मा एमाले जसपा युद्धस्तरमा लागेको छ ।
बुधबार बिहानदेखि निर्वाचन परिचालन वडा कार्यालय उद्घाटनदेखि पत्रकार भेटघाट तथा जातिय महासंघसंग भेला सहितको कार्यक्रममा ब्यस्त रहे । एमाले जसपाको प्रतिनिधि सभा साझा उम्मेदवारको लागि अशोक राई,प्रदेश उम्मेदवार रमेश बस्नेत र बिजय राई सहितको समानुपातिक उम्मेदवार सहित सहभागी थिए ।
आदिवासीको शहर भनेर चिनिने धरानमा साझा उम्मेदवार सहितको ब्यापक भेला भएका थिए । उक्त भेलाले संयुक्त उम्मेदवारलाई जिताउनको लागि संग्राम लिम्बुको संयोजकत्व र सह संयोजक हेमराज जिमि याक्खा रहनेगरि ५०१ जना निर्वाचन परिचालन समिति गठ्क्न गरिएको छ ।
त्यसैगरी वडा नम्बर ३,१८,१९,११ को वडा परिचालन कार्यालयको उद्घाटन समेत गरिएको छ । प्रेस चौतारीको आयोजनामा होटेल ड्रीमल्याण्डमा सुझाव संकलन कार्यक्रम समेतको आयोजना गरिएको थियो ।
