June 8, 2024, Saturday
२०८१ जेष्ठ २६Nepal 1:37:26 pm
Trending
nponlinetv संवाददाता

नायब सुब्बा तामाङमाथि हातपात भएको विरोधमा अदालतका कर्मचारीहरू आन्दोलित

२०८० असार १७, आईतवार १२:०६

5

काठमाडौंः जिल्ला अदालत ललितपुरमा कार्यरत नायब सुब्बा प्रेमिका तामाङमाथि हातपात भएको विरोधमा देशैभरका अदालतका कर्मचारीहरू आन्दोलित भएका छन् । गत १३ असारमा कानुन व्यवसायी अमिर लामिछानेले जिल्ला अदालत ललितपुरमा कार्यरत नायब सुब्बा तामाङमाथि हातपात गरेको भन्दै सर्वोच्च सर्वोच्च अदालतसहित देशभरका अदालतमा कार्यरत कर्मचारीहरू आन्दोलित भएका हुन् ।

सर्वोच्च अदालतअन्तर्गतका चारवटै कर्मचारी संगठनले आइतबार दिउँसो साढे १ बजेसम्म अदालतमा काम रोकिने जनाएका छन् । जिल्ला अदालत ललितपुरमा कार्यरत नायब सुब्बा तामाङमाथि गत १३ असारमा कानुन व्यवसायी लामिछानेले कार्यकक्षमै बसेर काम गरिरहेको अवस्थामै गालीगलौज गर्दै हातपात गरेका थिए ।

मुद्दाको मिसिल र आदेश हेर्न फाइल लिन खोजेपछि तामाङले मिसिल बाहिर लैजान नमिल्ने भन्दा उनीमाथि हातपात भएको थियो । कानून व्यवसायी लामिछानेको मुक्का प्रहारबाट नासु तामाङको दाँत हल्लिनुका साथै ओठमा चोट लागेको छ । हातपात गर्ने कानुन व्यवसायी लामिछानेलाई ललितपुर प्रहरी परिसरले सोही दिन पक्राउ गरेको थियो ।