काठमाडौं — पूर्व मुमा बडामहारानी रत्न राज्यलक्ष्मी शाह आजदेखि ९९औँ वर्षमा प्रवेश गरेकी छन्।
उनको जन्मोत्सवका अवसरमा नागरिक मूल समारोह समितिले महेन्द्र मञ्जीलसँगै रहेको नारायण मन्दिर परिसरमा दीर्घायुको कामनासहित दीप प्रज्वलन गर्ने कार्यक्रम राखेको छ।
रत्न राज्यलक्ष्मी शाहको जन्म सन् १९२८ अगस्ट २० मा भएको हो। राजा महेन्द्रको निधनपछि उनले शाकाहारी जीवनशैली अपनाउँदै आएको बताइन्छ।
जन्मोत्सवका अवसरमा उनलाई शुभेच्छुक तथा समर्थकहरूले दीर्घायु र सुस्वास्थ्यको शुभकामना दिएका छन्।
