नेपाली कांग्रेसको १५औँ महाधिवेशनअन्तर्गत दीपक भट्टराईले केन्द्रीय सदस्य पदमा उम्मेदवारी घोषणा गरेका छन्।
तनहुँबाट महाधिवेशन प्रतिनिधि रहेका भट्टराईले पार्टीको केन्द्रीय कार्यसमितिमा रहेर काम गर्ने उद्देश्यसहित उम्मेदवारी घोषणा गरेका हुन्।
भट्टराई नेपाल विद्यार्थी संघ (नेविसंघ) बाट कांग्रेसको राजनीतिमा सक्रिय भएका नेता हुन्। उनी नेविसंघको महामन्त्रीसमेत भइसकेका छन्।
उनले आफूले सभापति गगन थापासँगै त्रिचन्द्र क्याम्पसमा विद्यार्थी राजनीति गरेको र विद्यार्थी आन्दोलनमा समेत नेतृत्वदायी भूमिका निर्वाह गरेको बताएका छन्।
कांग्रेसको १५औँ महाधिवेशन सुरु भएसँगै विभिन्न पदमा उम्मेदवारी घोषणा गर्ने क्रम बढेको छ।
