अल्मोडा । भारतको उत्तराखण्डस्थित अल्मोडाको जागेश्वर धाम नजिकैको कफ्लिखान गाउँमा युवा आविष्कारक रवि तम्ताले विद्युतीय व्यक्तिगत उड्ने सवारीसाधन HAPIDA SKYNeX को प्रोटोटाइप सफलतापूर्वक परीक्षण गरेका छन्।
Hapida Sky Private Limited ले विकास गरेको उक्त विद्युतीय फ्लाइङ भेहिकलको परीक्षणलाई वर्षौंको अनुसन्धान र विकासपछि हासिल भएको महत्वपूर्ण उपलब्धिका रूपमा लिइएको छ।
यस परियोजनाको उद्देश्य सुरक्षित, वातावरणमैत्री र किफायती व्यक्तिगत हवाई यातायात विकास गर्नु रहेको छ। थप विकाससँगै HAPIDA SKYNeX ले दुर्गम हिमाली क्षेत्रमा यातायात सहज बनाउन, पर्यटन प्रवर्द्धन गर्न तथा विपद्का बेला उद्धार र राहत कार्यमा उपयोगी बन्न सक्ने अपेक्षा गरिएको छ।
विशेषगरी सडक निर्माण कठिन हुने हिमाली तथा दुर्गम क्षेत्रमा यसले छिटो आवागमन र कनेक्टिभिटी विस्तारमा नयाँ सम्भावना खोल्न सक्ने देखिएको छ।
